Amerikaning F-22 qiruvchilari Alyaska qirg‘oqlaridan g‘arbda Rossiyaning Tu-95 strategik raketa tashuvchi bombardimonchilarini to‘xtatib qoldi, deb yozadi “RBK”.
Shimoliy Amerika harbiy-kosmik mudofaa qo‘mondonligi ma’lum qilishicha, hodisa 1-sentabr kuni ertalab yuz bergan. Harbiylar Alyaska havo hujumiga qarshi mudofaasining identifikatsiya zonasida uchayotgan raketa tashuvchi samolyotlarni ko‘rib qolib, ularni to‘xtatib qolish uchun qiruvchilarni havoga ko‘targan. Bundan tashqari, Alyaska qirg‘oqlari yaqinidagi havo hududiga Rossiyaning kamida bitta Il-78 zapravkachi samolyoti ham kirgan.
F-22 qiruvchilari Tu-95 samolyotlariga ular havo hujumiga qarshi mudofaaning identifikatsiya hududini tark etgunicha hamrohlik qilib bordi. Bombardimonchilar AQSh yoki Kanada havo hududi chegarasiga buzib kirmagan.
Izoh (0)