“Uztex” kompaniyalar guruhi Uchqo‘rg‘on tumanida “Uztex Uchqorgon” kompleksi tarkibida tikuv-trikotaj fabrikasini ishga tushirdi. Bu haqda “Daryo” muxbiri xabar bermoqda.
Buning uchun korxonaning o‘z mablag‘i va bank krediti jalb etildi. Natijada 800 ta yangi ish o‘rni yaratildi.
Namanganda “Uztex” kompaniyalar guruhi tomonidan amalga oshirilayotgan loyihalarning uzviy davomi sifatida tashkil etilgan ushbu yangi fabrika mahalliy xomashyodan yiliga 100 dan oshiq turdagi 6 million dona kiyim-kechak ishlab chiqarish quvvatiga ega.
Uning yillik eksport salohiyati 12 million dollarni tashkil etadi.
Fabrikaning ochilish marosimida viloyat hokimi Xayrullo Bozorov qatnashdi va bu yerdagi ish jarayoni bilan tanishdi.
Izoh (0)