Mingbuloq tumanidagi 4 ta mahallada “Xalq kutubxonasi” ish boshladi. Bu haqda “Daryo” muxbiri xabar bermoqda.
Mazkur kutubxonalarga jami 35 million so‘mlik 2150 dona kitob taqdim etildi. Ular orasida badiiy, ijtimoiy-siyosiy va bolalar adabiyoti namunalari bor.
Kutubxonalar viloyat xotin-qizlar qo‘mitasi, Respublika Ma’naviyat va ma’rifat markazi viloyat bo‘limi, tuman hokimligi, “Namangan kitob olami” MChJ mutasaddilari, shoir va yozuvchilar ishtirokida ochildi.
Namangan viloyatining chekka hududlarda “Xalq kutubxonalari” tashkil etilishi an’anaga aylanib bormoqda. Oldinroq Yangiqo‘rg‘on tumanida ham 4 ta mahallada shunday maskan tashkil etilib, 3 mingdan oshiq jami 46 million so‘mlik kitob yetkazib berilgandi.
Izoh (0)