Isroilda Itamar Berna ismli bola hosildorlik ma’budasi haykalini topib oldi, uning yoshi 11—12 ming yilga teng. Bu haqda “Korrespondent.net” xabar berdi.
Xabar berilishicha, o‘smir sayohat vaqtida g‘alati toshni topgan. Ikki yil davomida tosh uning uyidagi qutida boshqa toshlar bilan birga yotgan.
Bir kun jumboqli toshni bolaning onasi ko‘rib qolgan va uni tanish arxeologga olib borgan. Haykalchani o‘rgangan mutaxassis u hosildorlik ma’budasini aks ettirishini va juda qadimiy ekanligini aniqlagan.
Kichik haykalcha homilador ayolni aks ettiradi. Qadimgi vaqtlarda bunday shakllardan odamlar tumor sifatida foydalangan.
Izoh (0)