Rossiya mudofaa vazirligi o‘zbekistonlik ofitserni mukofotladi

Rossiya mudofaa vaziri buyrug‘i bilan o‘zbekistonlik podpolkovnik Rustam Jabborov harbiy hamkorlik va jangovor hamdo‘stlikni mustahkamlagani uchun mukofotlandi, deb xabar beradi Sputnik.

Ofitserga “Jangovor hamdo‘stlikni mustahkamlagani uchun” medali ShHTga a’zo davlatlar mamlakatlari mashg‘ulotlarining yopilish marosimida topshirildi.

Tojikiston qurolli kuchlari podpolkovnigi Xuseyn Qoriyev, Qozog‘iston qurolli kcuhlari mayori Farhod Rasqulov, Qirg‘iziston qurolli kuchlari serjanti Iso Matraimov ham ushbu medal bilan taqdirlangan.

“Tinch missiya” mashg‘ulotlarida o‘zbekistonlik ofitserlar kuzatuvchi sifatida ishtirok etgan. Mashg‘ulotlarning yakuniy bosqichida O‘zbekiston Qurolli Kuchlari Bosh shtabi boshlig‘i general-mayor Pavel Ergashev ham ishtirok etgan.