Bugun, 31-avgust sanasida Indoneziyaning Jakarta hamda Palembang shaharlarida XVIII yozgi Osiyo o‘yinlarining 13-kuni bo‘lib o‘tmoqda.
Boks bo‘yicha -56 kg vazn toifasida O‘zbekiston sharafini himoya qilayotgan Miraziz Mirzahalilov Osiyo o‘yinlarining yarim final jangida ishtirok etdi. Unga bu bosqichda mezbon indoneziyalik Sunan Amoragam raqiblik qildi. Miraziz hakamlar qaroriga ko‘ra, 5:0 hisobida g‘alaba qozonib, final yo‘llanmasini qo‘lga kiritdi.
Eslatib o‘tamiz, avvalroq -49 kg, -52 kg, 60 kg va -69 kg vazn toifalaridagi Hasanboy Do‘stmatov, Jasurbek Latipov, Shunqor Abdurasulov hamda Bobusmon Boturov yarim final janglarini o‘tkazib, final yo‘llanmasiga ega chiqqandi.
Shuningdek, bugun yana 2 nafar o‘zbekistonlik bokschi final yo‘llanmasi uchun ringga chiqadi.
- -64kg: Iqboljon Xoldorov—Daysuke Narimatsu. Vaqti: 17:00
- -75kg: Isroil Madrimov—Feliks Marsyal. Vaqti: 17:45
Izoh (0)