Bugun, 29-avgust sanasida Indoneziyaning Jakarta hamda Palembang shaharlarida XVIII yozgi Osiyo o‘yinlari davom etmoqda. Musobaqaning 11-kunida o‘zbekistonlik dzyudochilar ham ishtirokini boshladi.
-66 kg vaznda O‘zbekiston sharafini himoya qilayotgan Shahram Ahadov yarim finalga qadar yetib borib, Janubiy koreyalik An Baulga mag‘lub bo‘ldi. Endi Shahram bronza medal uchun gilamga chiqadi.
Ayollar o‘rtasida -52 kg vazn toifasida Gulnoza Ziyoyevsa esa bronza medali uchun Shimoliy koreyalik Rim Song Simga qarshi gilamga chiqadi.
Eslatib o‘tamiz, avvalroq -60 kg vazn toifasida Diyorbek O‘rozboyev yarim final bahsida Janubiy koreyalik Li Harimni vazari bahosi bilan mag‘lub etib, finalga yo‘l olgandi.
Izoh (0)