Toshkent shahar hokimi vazifasini bajaruvchi Jahongir Ortiqxoʻjayev meʼmorchilik va landshaft dizayniga ixtisoslashgan Novello kompaniyasi asoschisi Marino Novello bilan uchrashdi. Bu haqda hokimlik matbuot xizmati maʼlum qildi.
Uchrashuvda Oʻzbekistonning Italiyadagi yangi tayinlangan elchisi Otabek Akbarov ham ishtirok etdi.
Tomonlar ikki mamlakatning savdo-iqtisodiy hamkorligini muhokama qildi. Marino Novello poytaxtning asosiy oʻziga xosligi umumiy uzunligi 417 kilometr boʻlgan kanal va ariqlar ekanligini qayd etib oʻtdi.
Mehmon meʼmorchilik va landshaft dizayni sohasida hamkorlik qilish istagini bildirdi. Shuningdek, oʻzbek-italyan madaniy markazini yaratish masalasi ham muhokama qilindi.
Izoh (0)