Bugun, 24-avgust sanasida Indoneziyaning Palembang shahrida Osiyo o‘yinlarining tennis musobaqasi davom ettirildi.
Tennis bahslarida birinchi raqamli saralangan sportchi sifatida qayd etilgan o‘zbekistonlik Denis Istomin final bahsida xitoylik Yibing Vuga qarshi kortga chiqdi.
Istomin birinchi setda raqibiga 2:6 hisobida imkoniyatni boy bergan bo‘lsa, ikkinchi setda xuddi shu hisobda g‘alaba qozondi. Hal qiluvchi uchinchi setda esa Denis 7:6 hisobida g‘olibi chiqib, Osiyo o‘yinlari—2018 chempioniga aylandi.
Shu tariqa O‘zbekiston hisobidagi oltin medallar soni 5 taga yetdi.
Izoh (0)