Jizzax viloyatining G‘allaorol tumanida 17-avgust kuni to‘rt kishining o‘limi bilan tugagan yo‘l-transport hodisasi yuz berdi. Bu haqda O‘zbekiston IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Shu tumanda yashagan I.A. mast holda Nexia mashinasini haydab ketayotib, o‘zidan oldinda harakatlanib ketayotgan I.R. boshqaruvidagi DAF yuk mashinasining orqa tomoniga urilgan va yo‘l-transport hodisasi sodir etgan.
“Natijada haydovchi I.A. va uning uch nafar yo‘lovchisi tan jarohati olib voqea joyida vafot etgan, yana bir yo‘lovchi esa kasalxonaga yotqizilgan”, — deyiladi IIV axborotida.
Izoh (0)