Hozirgina UEFA Superkubogi uchun Madridning ikki jamoasi — “Real” hamda “Atletiko” kurash olib borgan bahs yakuniga yetdi.
Uchrashuvda hisob 1-daqiqadayoq ochildi. Gol muallifi Diyego Kosta. 27-daqiqaga kelib, Karim Benzema hisobni tenglashtirdi. Ikkinchi bo‘limning 63-daqiqasida Serxio Ramos “matraschilar” darvozasiga belgilangan penaltini aniq amalga oshirib, jamoasini oldinga olib chiqdi. 79-daqiqada esa yana o‘sha Diyego Kosta gol urib, muvozanatni tikladi. Asosiy vaqt 2:2 hisobida yakun topdi.
Qo‘shimcha bo‘limlarning birinchisida “Atletiko” Saul hamda Kokening gollari sabab, UEFA Superkubogi sohibiga aylandi.
UEFA Superkubogi
15-avgust, chorshanba
“Real” — “Atletiko” 2:4
Gollar: 0:1 – 1 Diyego Kosta, 1:1 – 27 Benzema, 2:1 – 63, penalti Ramos, 2:2 – 79 Diyego Kosta, 2:3 – 98 Saul, 2:4 – 104 Koke.“Real Madrid”: Navas, Varan, Karvaxal, Ramos, Marselo, Kroos (Mayoral, 102), Isko (Vaskes, 83), Asensio (Modrich, 57), Kazemiro (Sebalyos, 76), Beyl, Benzema.
“Atletiko”: Oblak, Godin, Savich, Xuanfran, Lyuka Ernandes, Koke, Lemar (Parti, 90), Rodri (Vitolo, 71), Saul, Diyego Kosta (Ximenes, 109), Grizmann (Korrea, 57).
Ogohlantirishlar: Asensio (35), Marselo (54), Korrea (60), Diyego Kosta (62), Sebalyos (90), Modrich (101), Vitolo (105), Ramos (112).
Izoh (0)