Sirdaryo viloyati Ichki Ishlar Boshqarmasi hamda viloyat Prokuraturasi bilan hamkorlikda qidiruvdagi shaxslar bo‘yicha qamoqqa olish tarzidagi ehtiyot chorasi qo‘llanilib , JKning 122-moddasi bilan S.Xasanov, JKning 154, 244-moddasi bilan M.Usmonov, JKning 227- moddasi bilan Sh.Nurmatovlar qidiruvda bo‘lgan, ular o‘z qilmishidan pushaymon bo‘lib, qonun oldida bosh egib kelgan, deb “Daryo”ga xabar beradi viloyat IIB axborot xizmati.
Ularga nisbatan qo‘llanilgan qamoqqa olish tarzidagi ehtiyot chorasi o‘zgartirilib, ozodlikda qoldirilib ularga yana bir bor imkoniyat berildi.
Shuningdek, jinoyat sodir qilib Sirdaryo viloyati IIB tomonidan qidirilayotgan shaxslarning oila a’zolari o‘rtasida tushuntirish targ‘ibot ishlarini olib borish maqsadida yig‘ilish bo‘lib o‘tdi.
Hozirda chet elda qidiruvda yurgan, o‘z qilmishidan pushaymon bo‘lib, bosh egib kelgan shaxslarga nisbatan qamoq bilan bog‘liq bo‘lmagan ehtiyot chorasi qo‘llanilib, ularga oila davrasida bo‘lishga qilmishidan tegishli xulosa chiqarib, to‘g‘ri yo‘lga kirishi uchun imkoniyat berilishi tushuntirildi.
Izoh (0)