Isroilova Xusni (o‘zgartirilgan) — 1938-yil 15-avgust kuni O‘zbekiston Respublikasida tug‘ilgan, millati o‘zbek, Qozog‘iston Respublikasi fuqarosi, ma’lumoti o‘rta, oilali o‘n nafar farzandlari bor, nafaqada, muqaddam sudlanmagan shaxsning sudi bo‘lib o‘tdi. Bu haqda Mirzacho‘l tuman sudi axborot xizmati xabar berdi.
X.Isroilova yashash uyi xonasida joylashgan sandiq ichida 2004-yil 23-iyun kuni vafot etgan o‘g‘li Z.Isroilovdan qolgan 1 dona, №57921-61 raqamli, 1961-yilda ishlab chiqarilgan, stvoli 36018 raqamli 1950-yilda ishlab chiqarilgan miltiq “Model-B” rusumli, 16 kalibrli, 2 silliq stvolli, tashqi tepkili ov miltig‘ini tegishli ruxsatnomalarsiz, qonunga xilof ravishda saqlab kelayotganligi aniqlangan.
Ushbu ov quroli xolislar ishtirokida daliliy ashyo tariqasida hujjatlashtirilib olingan.
Izoh (0)