Italiya shimolidagi Genuyada A10 pullik avtomagistrali o‘tgan ko‘prik quladi. Shahar tez tibbiy yordam xizmati rahbarining so‘zlariga ko‘ra, hodisa oqibatida o‘nlab odamlar halok bo‘lgan — qurbonlarning bir qismi ko‘prikda, bir qismi esa uning ostida edi. Bu haqda Meduza xabar bermoqda.
Adnkronos nashrining yozishicha, avtomobil harakati “to‘liq to‘xtab qolgan”. Ko‘prikka olib chiquvchi tonnellarda o‘nlab avtomobillar tiqilib qolgan.
Balandligi salkam 50 metr bo‘lgan ko‘prik turar joy binolari, temiryo‘l izlari va sanoat zonasi joylashgan vodiy bo‘ylab o‘tadi. Surat va videolardan xulosa qilinsa, ko‘prikning markaziyning qismi qulaganini ko‘rish mumkin.
Italiya temir yo‘llari ma’muriyati Genuyada temiryo‘l harakati to‘xtatilganini ma’lum qildi.
Kuchli yog‘ingarchilik vaqtida yuz bergan qulashning asl sabablari hozircha ma’lum emas. Mahalliy aholining so‘zlariga ko‘ra, ko‘prik ustunlari (asoslari) muntazam ravishda ta’mirlab turilgan.
Izoh (0)