Shavkat Mirziyoyev Abdulla Qodiriyning muhtasham haykalini o‘rnatish zarurligini ta’kidladi

Shavkat Mirziyoyev Toshkentning Abdulla Qodiriy nomidagi madaniyat va istirohat bog‘iga tashrif buyurib, bog‘ni zamonaviy parkka aylantirishga qaratilgan loyihalar bilan tanishdi. Bu haqda Prezident matbuot xizmati xabar bermoqda.

Shavkat Mirziyoyev bog‘ markazida Abdulla Qodiriyning muhtasham haykalini o‘rnatish, bog‘ni boshqalardan ajralib turadigan qilib qurish, bu yerda adib yashagan davrni aks ettirish zarurligini ta’kidladi.

Chorsu bozori va Gulbozor mahallasida bunyodkorlik ishlarini amalga oshirish, bu tarixiy joyda turizmni rivojlantirish bo‘yicha topshiriqlar berildi.

“Prezidentimiz shu yerda mahalla faollari va ziyolilar bilan suhbatlashdi”, — deyiladi Prezident matbuot xizmati tomonidan tarqatilgan axborotda.