O‘zbekiston Tashqi ishlar vazirligida 8-avgust kuni BMT bosh kotibining Yaqin Sharq va Markaziy Osiyoda gumanitar sheriklik masalalari bo‘yicha yordamchisi Rashid Xalikov bilan uchrashuv bo‘lib o‘tdi. Bu haqda TIV matbuot xizmati xabar bermoqda.
Bo‘lib o‘tgan suhbat davomida O‘zbekiston va BMTning gumanitar masalalarni muvofiqlashtirish bo‘yicha boshqarmasi o‘rtasidagi munosabatlarni rivojlantirish istiqbollari muhokama qilindi.
Muzokaralarda hamkorlikni yanada kengaytirish, jumladan Qidirish va qutqarish masalalari bo‘yicha xalqaro maslahatlashuv guruhi (INSARAG) hamda BMTning favqulodda vaziyatlarda baholash va muvofiqlashtirish bo‘yicha guruhi (UNDAC) doirasida O‘zbekiston salohiyatini mustahkamlash choralari sohasida aloqalarni rivojlantirishga ikki tomon ham tayyor ekanligi tasdiqlandi.
“Uchrashuvda tomonlarni qiziqtirgan boshqa masalalar ham ko‘rib chiqildi”, — deyiladi TIV axborotida.
Izoh (0)