Urganch kasb-hunar kolleji o‘quvchisi Bobur Egamberdiyev “Kraina” Butunukraina fuqarolik tashkilotining “Za Rozbudovu Ukraini” (“Ukraina rivoji uchun”) ordeni bilan taqdirlandi. Bu haqda “Xalq so‘zi” xabar bermoqda.
Endigina 18 yoshga qadam qo‘ygan Boburning til o‘rganish, ilm cho‘qqilarini egallashda erishayotgan yutuqlariga havas qilsa arzigulik. U o‘tgan yil Rossiyada o‘tkazilgan rus tili va adabiyoti bo‘yicha xalqaro olimpiadada nominatsiya g‘olibi, joriy yilda Tatariston poytaxti Qozon shahrida tashkil qilingan tatar tili va adabiyoti xalqaro olimpiadasida 2-o‘rin sohibi bo‘ldi.
Boburning xorijiy tillarni o‘rganish orqali yoshlar o‘rtasida xalqaro hamdo‘stlikni mustahkamlash, ilm-fanga qiziqishini kuchaytirish bo‘yicha qator maqolalari xorijiy nashrlarda chop etilgan.
Uning ijodiy izlanishlari munosib e’tirof etilib, o‘tgan yilda Fransiyaning Euro Star-2017 mukofoti sohibi bo‘lgan edi. Yaqinda esa Bobur Ukraina ordeni bilan taqdirlandi.
Yosh tadqiqotchi o‘zbek va ukrain tillari nazariyasini o‘rganish, do‘stlik aloqalarini mustahkamlashda erishgan yutuqlari uchun ushbu nufuzli mukofotga loyiq ko‘rildi.
Izoh (0)