Samarqand viloyatida tadbirkorlik subyektlari tomonidan duch kelinayotgan muammolar va turli to‘siqlarni tezkorlik bilan hal etish hamda tadbirkorlarni qo‘llab-quvvatlash maqsadida “Juma – tadbirkorlar kuni” deb e’lon qilindi, deb xabar bermoqda “Daryo” muxbiri Farhod Norbo‘tayev.
Samarqand viloyat hokimligi bergan ma’lumotlarga ko‘ra, endilikda tadbirkorlik subyektlari har xil sabablar bilan yechilmay kelayotgan muammo va masalalar yuzasidan savdo-sanoat palatasi viloyat hududiy boshqarmasiga murojaat qilishi mumkin. Tadbirkorlarga sutkaning istalgan paytida o‘zlarini qiynayotgan muammoli masalalar bo‘yicha murojaat qilishlari uchun sharoit yaratilgan.
Hal etilmagan har qanday muammoli masalalar bo‘yicha viloyat hokimi vazifasini bajaruvchi Erkinjon Turdimov juma kunlari uchrashuv o‘tkazadi.
Izoh (0)