Rossiyaning Yoqutiston respublikasidan taklif etilgan rejissyor Sergey Potapov Madaniyat vazirligi ko‘magi va “Do‘stlar klubi” hamkorligida “Diydor” teatr-studiyasi yosh ijodkorlariga mahorat saboqlari o‘tish bilan birga yangi spektal sahnalashtirishga ham kirishdi. Bu haqda “Daryo”ga teatr mutasaddilari ma’lum qildi.
“Diydor” teatr-studiyasida O‘zbekiston xalq shoiri, dramaturg Turob To‘la tavalludining 100 yilligi munosabati bilan Uilyam Shekspirning shoir tarjimasidagi “Qiyiq qizning quyilishi” asari sahnalashtirilmoqda.
Taniqli rejissyor Bahodir Yo‘ldoshev badiiy rahbarligidagi ushbu spektakl premerasi 10-avgust kuni bo‘lib o‘tishi rejalashtirilgan.
Ma’lumot uchun, Sergey Potapov Rossiyada bir qancha zamonaviy asarlardan tortib, jahon klassikasi durdonalarigacha sahnalashtirgan bo‘lib, “Makbet” spektakli uchun nufuzli “Oltin niqob” (“Zolotaya maska”) mukofotiga sazovor bo‘lgan.
Izoh (0)