Finlyandiya poytaxti Xelsinki shahri politsiyasi boshlig‘i o‘rinbosari Xeykki Kopperoynen shahar aholisini AQSh va Rossiya prezidentlari Donald Tramp va Vladimir Putinning yaqin-atrofdan o‘tadigan kortejlarini tomosha qilmaslikka chaqirdi. Bu haqda “Kommersant” xabar bermoqda.
“Kortej yaqinlashib kelayotganini ko‘rsangiz, deraza oldida yoki balkonda turmagan ma’qul. Derazani ochish ham tavsiya etilmaydi. Biz shaharning barcha aholisini kuzatib tura olmaymiz, shu bois har bir ortiqcha harakat bizning va mehmonlarning xavfsizlik xizmatlari xodimlarining e’tiborini tortishi, oqibatda qo‘shimcha operatsiyalarni o‘tkazish zarurati tug‘ilishi mumkin”,
Politsiya mutassadisining so‘zlariga ko‘ra, kortejlarga haddan tashqari ko‘p e’tibor qaratgan fuqarolarning oldiga tekshiruv borishi mumkin. Ayni vaqtda, jamoat joylaridan turib, masalan, parlament binosi zinalariga chiqib yoki Janubiy Esplanada ko‘chasidagi parkning qumli hududidan turib erkin tomosha qilish mumkin.
Xelsinkida 16-iyul kuni AQSh prezidenti Donald Tramp va Rossiya prezidenti Vladimir Putinning o‘zaro uchrashuvi bo‘lib o‘tishi kutilmoqda. Uchrashuv davomida tomonlar iqtisodiy va siyosiy masalalarni, Suriya va Ukrainadagi nizolarni va boshqa masalalarni muhokama qilishi rejalashtirilgan.
Izoh (0)