Mikroqarzlar butun dunyo bo‘ylab keng tarqalgan kredit turlaridan biri hisoblanadi. Dunyo tajribasidan kelib chiqqan holda shuni ta’kidlash kerakki, mikroqarzlar tez fursatda ajratilishi bilan bir qatorda istalgan maqsadlarda ishlatilishi mumkin. Ushbu xususiyatlar sababli mikroqarzlar axoli o‘rtasida katta talabga ega.
Hamkorbank aksiyadorlik tijorat banki ham xalqaro tajribaga tayangan holda, axoli uchun qulay shartlarda mikroqarzlarni joriy etdi. Mikroqarzlar mijoz istagidan kelib chiqqan holda naqd pul ko‘rinishda yoki plastik kartaga ajratilishi mumkin. Mikroqarzlar quyidagi qulay shartlarga ega:
- Mikroqarz miqdori eng kam ish haqining 100 barobarigacha, ya’ni 17 mln. so‘mgacha ajratilishi mumkin;
- Muddati 3 yilgacha;
- Mikroqarz yillik foiz stavkasi: naqd pulda ajratilsa — oyiga 3%, plastik karta orqali — oyiga 2.5%;
- Mikroqarz 3 kun ichida ajratiladi;
- Talab etiladigan hujjatlar ro‘yxati sodda va kamligi (ariza, pasport nusxasi, yashash joyidan ma’lumotnoma, qarz oluvchining daromadlari to‘g‘risida ma’lumotnoma, mikroqarz ta’minoti bo‘yicha hujjatlar);
- Mikroqarz mablag‘lari istalgan maqsadda sarflanishi mumkin.
Mikroqarzlarni so‘ndirish jarayoni ham maksimal darajada mijoz uchun qulay ko‘rinishda yo‘lga qo‘yilgan. Buning uchun 2 xil yechimdan foydalanish mumkin:
- So‘ndirishni avtoto‘lovga ulab qo‘yish. Bunda tizim avtomatik tarzda, oyning belgilangan sanasida plastik kartadan kerakli mablag‘larni yechib oladi;
- Hamkor Mobile jismoniy shaxslar uchun mobil banking tizimi orqali, masofadan turib mikroqarzlarni so‘ndirish imkoniyati.
Mikroqarzlarni rasmiylashtirish uchun o‘zingizga qulay bank filialiga murojaat eting.
Hamkorbank mikroqarzlaridan istalgan maqsadlar uchun foydalaning!
Izoh (0)