Qozog‘iston chegarasi mamlakatdan chiqmoqchi bo‘lgan har o‘ninchi fuqaro uchun yopilishi mumkin. Buning sababi aholining soliqlar bo‘yicha ulkan miqdordagi qarzdorligida, deb xabar qiladi Sputnik.
Ostona davlat daromadlari departamenti ma’lumotlariga ko‘ra, faqat poytaxtning o‘zida 70 mingdan ziyod fuqaro soliq va jarimalarni to‘lamagan.
Butun Qozog‘iston bo‘yicha statistikani shakllantirish metodologiyasi tushuntirilmagan, biroq “har o‘ninchi qozog‘istonlik” qarzdorligi ta’kidlanmoqda.
Aniqroq tasavvurga ega bo‘lish uchun — mamlakat aholisining 10 foizi Olmaota singari yirik shahar aholisi soniga (1,8million kishiga) teng.
Ostona davlat daromadlari departamenti birgina Sariarqa tumanining o‘zida soliq to‘lamagan minglab fuqaroga jinoiy ish qo‘zg‘atilgani va bu chet elga chiqishda to‘siq bo‘layotganligini ma’lum qilmoqda.
Izoh (0)