Toshkent, Markaziy, Shimoli-g‘arbiy, Sharqiy hamda Janubi-g‘arbiy maxsus harbiy okruglarida “Yoshlar kuni”ga bag‘ishlangan sport musobaqalari, qurol-aslaha ko‘rgazmalari, festivallar hamda bayram sayllari o‘tkazildi. Bu haqda Mudofaa vazirligi matbuot xizmati xabar berdi.
Sharqiy harbiy okrugiga qarashli Qo‘qon shahridagi harbiy qismda 200 nafar yoshlar ishtirokida sportning 7 ta turi bo‘yicha musobaqa bo‘lib o‘tdi. Bundan tashqari Yoshlar ittifoqining a’zolari Quva tumanidagi harbiy qismga tashrif buyurib, harbiylar hayoti va ularning kun tartibi bilan tanishdi. Harbiy qismda mehmonlar uchun qurol-aslaha ko‘rgazmasi, elektron tirda bellashuv tashkillashtirildi. Shuningdek, ularga harbiycha tushlikdan tanovvul qilish imkoniyati taqdim etildi.
Buxoro va Qarshi garnizonlarida esa “Ochiq eshiklari kuni” bo‘lib o‘tdi. Harbiy qism shaxsiy tarkibi viloyatda “Yoshlar kuni”ga bag‘ishlab marafon, tosh ko‘tarish, arqon tortish kabi sport uyinlarini tashkil qildi. Ushbu tadbirlarda 200 nafardan ortiq harbiy xizmatchi ishtirok etdi.
Markaziy harbiy okrug qo‘mondonligi qarashli Samarkand garnizoni ofitserlar uyi harbiy orkestr jamoasi xamda Samarkand viloyati Yoshlar ittifoqi kengashi hamkorligida yoshlar festivali va konsert dasturi tashkillashtirildi.
Izoh (0)