Hindistonlik ayol qarindoshlarining o‘zi pishirgan taomlar haqidagi pichinglaridan xafa bo‘lib, ularni zaharlangan ovqat bilan siyladi, deb yozadi Hindustan Times.
23 yoshli Pradnya Surveyz 22-iyun kuni Hindistonning Xalapur shahrida qo‘lga olindi. U tayyorlagan kechki ovqatdan keyin uning besh nafar qarindoshi vafot etgan.
Qiz ba’zi ovqatlarga odatda ilonlarni o‘ldirish uchun qo‘llaniladigan kukunni solganini tan oldi. U ikki yil davomida uning pazandalik qobiliyatlari ustidan kulib kelgan eri va boshqa oila a’zolarini o‘ldirmoqchi bo‘lgan.
Ziyofatni qizning qarindoshi uyushtirgan. Tadbirga 120 kishi kelgan, ular orasida Surveyz o‘ch olmoqchi bo‘lgan qarindoshlar ham bo‘lgan. Bir necha soatdan keyin ba’zi mehmonlar ko‘ngil aynishi va qorindagi kuchli og‘riqdan shikoyat qila boshlagan. 88 kishi kasalxonaga yotqizilgan. Besh kishi, shu jumladan uch bola vafot etgan.
Izoh (0)