Internetda Xiaomi Mi Max 3 fabletining bir nechta tasvirlari paydo bo‘ldi, bundan tashqari, TENAA komissiyasi qurilma xususiyatlarining to‘liq to‘plamini e’lon qildi, deb yozadi Hi-Tech Mail.Ru.
Mi Max 2 dan farqli ravishda, unda Home tugmasi, shuningdek, navigatsiya tugmalari bo‘lmaydi, ammo u qo‘sh modulli asosiy kamera va uning pastida joylashadigan barmoq izi skaneriga ega bo‘ladi.
Xiaomi Mi Max 3 6,99 dyuymli va 2160×1080 pikselli Full HD+ displeyi, 12 va 8 megapikselli qo‘sh kamera, 8 megapikselli old kamera, 5400 mA/soat sig‘imli batareya, tezkor quvvat olish funksiyasi bilan jihozlangan. Qurilma Android 8.1 Oreo asosidagi MIUI operatsion tizimida ishlaydi.
Ayni paytda Xiaomi Mi Max 3 taqdim etiladigan sana haqida rasmiy ma’lumot yo‘q. Ammo Mi Max 2 o‘tgan yilning mayida taqdim etilganini hisobga olsak, uchinchi avlod smartfoni yaqin orada namoyish etilishi mumkin.
Izoh (0)