Saudiya Arabistoni yaqin vaqt ichida Qatarni orolga aylantirishni ko‘zlovchi loyihani amalga oshirishni boshlaydi. Bu haqda Anadolu agentligiga tayanib, “Korrespondent.net” xabar berdi.
Saudiya qirolining maslahatchisi Suud al-Qahtoniy tomonidan ma’lum qilinishicha, Selva nomli kanal bir yil ichida qaziladi. U Qatar yarimorolini Arabiston yarimorolidan ajratib turadi.
Xabar berilishicha, yaqin kunlar ichida Selva kanali loyihasi bo‘yicha tenderga arizalar qabul; qilish yakunlanadi. Qurilish loyihasida ishtirok etish uchun allaqachon beshta kompaniya murojaat qilgan, tender natijalari esa 90 kun ichida ma’lum qilinadi.
Qahtoniy Saudiya Arabistoni xalqini Qatarni orolga aylantiruvchi ulkan loyihaning boshlanishi bilan tabriklagan. Ta’kidlanishicha, yangi orolda Qatardan tashqari Saudiya Arabistonining harbiy bazasi ham joylashadi.
Izoh (0)