Toshkent shahrining Yashnobod tumanida yashovchi D.A. IIBga ish joyida yuz bergan o‘g‘irlik holati yuzasidan murojaat qildi. Bu haqda IIV jamoatchilik va OAV bilan aloqalar boshqarmasi xabar berdi.
Arizada shu yil 5-iyunga o‘tar kechasi noma’lum shaxs Toshkent viloyatining Ohangaron shahri hududida joylashgan “Yangiobod qurilish” MChJ binosiga devor oshish yo‘li bilan kirib, u yerdan 6 ta elektrodvigatel, 6 ta regulyator uskunasi, 1 ta elektr payvandlash uskunasi, 3 ta gaz balloni va uzunligi 50 metr bo‘lgan kabelni o‘g‘irlab ketganligi ma’lum qilingandi.
Ko‘rilgan choralar natijasida ushbu jinoyatni Ohangaron tumanida yashovchi, yuqoridagi MChJ qorovuli X.Ch. sodir etganligi aniqlandi va ushlandi.
Izoh (0)