O‘zbekiston neft va ko‘mir qazib olish hajmini qisqartirishda davom etmoqda

O‘zbekiston neft qazib olish hajmini qisqartirishda davom etmoqda, deb yozadi Spot Davlat statistika qo‘mitasiga tayanib.

2018-yilning yanvar-mayida mamlakatda 314,7 ming tonna neft qazib chiqarildi, bu 2017-yilning shu davriga nisbatan (347,3 ming tonna) 9,4 foizga kamroq demakdir.

Ko‘mir ishlab chiqarish hajmi ham kamaydi: 2018-yilning 5 oyi davomida o‘tgan yilning shu davriga qaraganda 4 foizga kamroq — 1,46 million tonna ko‘mir qazib chiqarildi (2017-yilda 1,52 million tonna).

Tabiiy gaz qazib chiqarish hajmi o‘smoqda — bu safar 6,3 foizlik o‘sish qayd etildi (2017-yildagi 23 018,2 million m³ dan 2018-yildagi 24 461 million m³ gacha).

Gaz kondensatini ishlab chiqarish 9 foizga o‘sdi (2017-yildagi 740,8 ming tonnadan 2018-yildagi 881,6 ming tonnagacha).