Qo‘ng‘irotda “Anjela” qahvaxonasi oldida bir kishini o‘ldirib, yana bir kishiga jarohat yetkazgan jinoyatchi qo‘lga olindi

Qoraqalpog‘istonning Qo‘ng‘irot tumanida 6-iyun kuni O‘zbekiston ko‘chasida joylashgan “Anjela” qahvaxonasi oldidan fuqaro B.I.ning boshida jarohatlari bilan jasadi topildi. Bu haqda IIV jamoatchilik va OAV bilan aloqalar boshqarmasi xabar berdi.

Ko‘rilgan choralar natijasida ushbu jinoyatni Lokomotiv ko‘chasida yashovchi S.A. bosqinchilk maqsadida sodir etganligi aniqlanib, 9-iyun kuni qo‘lga olindi.

Olib borilgan surishtiruv ishlari natijasida S.A. mazkur qahvaxona oldida G‘.O‘.ning yuziga qo‘li bilan urib, jarohat yetkazib, NTS va Nokia mobil telefonlari hamda pullarini ham olib ketganligi aniqlandi.

Ushbu holatlar yuzasidan S.A. nisbatan tergov harakatlari olib borilmoqda.