Avval xabar berganimizdek, Vazirlar Mahkamasi qarori bilan O‘zbekistondagi bir qator obyektlar va hududlar turistlar tashrif buyurishi taqiqlangan joylar ro‘yxatidan chiqarildi. Ulardan ikkitasi Jizzaxda joylashgan. “Xalq so‘zi” muxbirlari ilgari sayohatchilar ko‘zidan yashirin bo‘lgan joylarni ko‘rish uchun Zomin tog‘lariga yo‘l oldi.
Zomin dam olish maskaniga yo‘l tuman markazidan boshlanadi. Shahar turidagi qishloq shunisi bilan mashhurki, bu yerda Prezident Shavkat Mirziyoyev dunyoga kelgan va bolaligi o‘tgan.
Dam olish maskanida nafas yo‘llari kasalliklari bilan og‘rigan insonlar dam oladi va davolanadi. Ular respublikaning turli joylaridan kelishadi. Dam olish maskanidan teparoqda, ya’ni Suffa platosiga yetmasdan Sherbuloq chashmasi tog‘ bag‘ridan otilib chiqadi. Suvida kalsiy mavjudligi tufayli ta’mi shirinroq.
Bu qo‘riqlanadigan sahna. Shu sababdan bu yerda turistlarga o‘tlarni terish man qilinadi. Dam olish kunlari bu joylarda odam ko‘p bo‘ladi.
Egri-bugri yo‘llardan platoga qarab ko‘tarilayotib yo‘lovchilar blok-postdan o‘tishadi. Ilgari uning oldiga hatto yaqinlashish ham mumkin emasdi, bu haqda hali olib tashlab ulgurilmagan belgilar eslatadi.
To‘satdan ko‘tarilish tugaydi. 2,5 ming kilometr balandlikda Suffa platosi ko‘z oldingizda namoyon bo‘ladi. U bilan birga tabiat manzarasiga to‘g‘ri kelmayotgan minora ham.
Tevarakdagi minora kranlari inshoot hali qurib bitkazilmaganligini bildiradi. Bu radioastronomik kompleks (RT-70). Shu paytgacha turistlarga ushbu joyga va unga tutashgan yerlarga o‘tish taqiqlangan edi.
Izoh (0)