Toshkentdagi “Bunyodkor” stadioni tez orada o‘z nomini o‘zgartiradi. Ba’zi OAVlarda e’lon qilinganidek, stadion nomi hali rasman “Milliy” deb o‘zgartirilgani yo‘q. Bu haqda “Daryo”ga PFL vakili ma’lum qildi.
Manbaning ta’kidlashicha, hozirgi vaqtda stadion nomini o‘zgartirish borasida yuridik jarayonlar amalga oshirilmoqda. Ammo stadion nomining o‘zgartirilish sanasi hali aniq emas.
Ma’lumot uchun “Bunyodkor” stadioni 34 ming tomoshabinga mo‘ljallangan bo‘lib, u 2012-yil avgustda foydalanishga topshirilgan(qurilish ishlari 2009-yilda boshlangan edi). Stadionning ochilishi marosimi 2012-yil 28-sentabrda bo‘lib o‘tgan.
“Bunyodkor” stadionidagi ilk rasmiy o‘yin esa 2013-yil 26-martda O‘zbekiston hamda Livan terma jamoalari o‘rtasida bo‘lib o‘tgan.
Izoh (0)