Braziliya terma jamoasi va “Barselona” sobiq yulduzi Ronaldinyo shu yilning avgust oyida uylanadi, deb yozadi “Sports.ru”.
U birdaniga ikki ayol — Pritssilla Koelo va Beatris Souza bilan turmush quradi.
Qayd etilishicha, sobiq futbolchi 2016-yildan beri Rio shahridagi hashamatli xonadonida har ikkala ayol bilan fuqarolik nikohida yashab keladi.
To‘y joriy yilning avgustida bo‘lib o‘tishi kutilmoqda. Ko‘plab mamlakatlarda bo‘lgani singari Braziliyada ko‘pxotinlik rasman taqiqlangan. Shu boisdan mazkur to‘y rasmiy maqomga ega bo‘lmaydi.
Ma’lum bo‘lishicha, Ronaldinyo ularning ikkalasiga bir vaqtda — yanvar oyida turmush qurish taklifini bergan. To‘yga eng yaqin do‘stlar va kelinlarning yaqinlari taklif etiladi. Futbolchining opasi Deyzi esa ukasining ko‘pxotinligi tufayli to‘yga borishdan bosh tortgan.
Izoh (0)