Mudofaa vazirligi tomonidan TATU Maxsus fakulteti talabalarining ixtirochilik ishlanmalari ko‘rgazmasi o‘tkazildi

Muhammad al-Xorazmiy nomidagi Toshkent axborot texnologiyalari universitetining Maxsus fakultetida O‘zbekiston Mudofaa vazirligi tomonidan ratsionalizatorlik va ixtirochilik ishlanmalar hamda ijodiy ishlar ko‘rgazmasi tashkil etildi, deya xabar bermoqda O‘zA.

Ko‘rgazmada Muhammad al-Xorazmiy nomidagi Toshkent axborot texnologiyalari universiteti Maxsus fakulteti talabalarining AKT, dasturlash, mobil aloqa, axborot xavfsizligiga doir ilg‘or ishlanmalari namoyish etilmoqda.

“Talabalar tomonidan taklif etilgan loyihalar kutilmagan yangiliklar, sohaga doir innovatsion g‘oyalarga boyligi bilan ko‘pchilikda katta taassurot uyg‘otdi”, — deyiladi O‘zA axborotida.