O‘zbek diplomatlari Fransiyadagi qabristonda sobiq ittifoq askarlari xotirasini yodga oldi

Fransiyaning Nuayye-Sen-Marten shahridagi sobiq ittifoq askarlari yodgorlik qabrida bo‘lib o‘tgan tantanali marosim chog‘ida O‘zbekiston, boshqa bir qator MDH mamlakatlari va Serbiya diplomatlari Fransiyadan uyiga qaytib kelmagan sobiq ittifoq jangchilari xotirasini yodga oldi, deb yozadi Sputnik.

2002-yilda ochilgan “Rossiya gullari” yodgorligi yoniga fransuzlar, rossiyaliklar, MDH mamlakatlari fuqarolari, harbiylar va oddiy fuqarolar, kattalar va bolalardan iborat bir necha yuz kishi yig‘ildi. Marosimda Rossiya, Armaniston, Ozarbayjon, Belarus, Qozog‘iston, O‘zbekiston, Tojikiston va Turkmaniston diplomatlari, shuningdek, Serbiya elchixonasi vakillari qatnashdi.