28-aprel kuni GM Uzbekistan AJ Bo‘stonliq tumanining Beldersoy hududida “Birinchi bo‘l. O‘zingdan boshla” shiori ostida EKO-aksiya tashkil qildi. Bu haqda GM Uzbekistan’ning Jamoatchilik bilan aloqalar xizmati “Daryo”ga ma’lum qildi.
Toshkent viloyati ekologiya va atrof-muhitni himoya qilish boshqarmasi bilan hamkorlikda o‘tkazilgan mazkur aksiyadan maqsad hududni chiqindilardan tozalash bilan birgalikda aholining ekologik madaniyatini oshirish hamda kompaniyaning ijtimoiy mas’ulligini namoyon etishdan iborat bo‘ldi. Aksiyada 100 ga yaqin ko‘ngillilar qatnashdi.
Tadbir natijasida ishtirokchilar tomonidan 6 tonnaga yaqin chiqindi yig‘ildi.
Izoh (0)