O‘zbekiston Prezidenti farmoniga asosan o‘zboshimchalik bilan qurilgan turar joylarga nisbatan mulk huquqini e’tirof etish bo‘yicha bir martalik umumdavlat aksiyasi e’lon qilingani haqida xabar berilgandi. “Daryo” muxbiri ushbu masala bo‘yicha “Davyergeodezkadastr” qo‘mitasida o‘tkazilgan matbuot anjumanida ishtirok etdi.
Qo‘mita xodimi Bekzod Nishonov bergan ma’lumotlariga ko‘raDavergeodezkadastr qo‘mitasining hududiy bo‘linmalari tomonidan 2016—2017-yillar davomida jismoniy va yuridik shaxslarga tegishli ko‘chmas mulk obyektlari xatlovdan o‘tkazilgan. Xatlov natijalariga ko‘ra jami 6,2 milliondan ortiq ko‘chmas mulk obyektlarining 5,9 millioni turar-joylardir.
Shundan 1,1 million obyektni kadastr hujjatlari mavjud emasligi va 411 mingdan ortiq uy joylarga huquqiy hujjatlari mavjud emasligi aniqlangan.
Mazkur Farmondan kelib chiqib fuqarolar tomonidan o‘zboshimcha qurilgan uy-joylarni va hujjati yo‘q uy-joylarni rasmiylashtirish uchun tuman (shahar) hokimiyati huzurida komissiya tashkil etiladi.
Komissiyani xulosasiga asosan hokim qarori qabul qilinadi.
Buning uchun hozir Vazirlar Mahkamasining qarori loyihasi ishlab chiqildi. Tasdiqlangandan so‘ng fuqarolarda arizalarni olish ishlari boshlanadi.
Izoh (0)