Yevropa Chempionlar Ligasida haftaning eng yaxshi o‘yinchisi bo‘lishga nomzodlar e’lon qilingan haqida xabar berilgan edi.
Ma’lumki, 24—25-aprel kunlari Yevropa Chempionlar Ligasi yarim final bosqichining dastlabki o‘yinlari bo‘lib o‘tdi. Unda “Liverpul” “Roma”ni 5:2 hisobida mag‘lub etdi. “Mersisayd” klubi tarkibida misrlik Muhammad Saloh 2 ta gol urib, 2 ta golli uzatmani amalga oshirdi.
Shuningdek, “Bavariya” o‘z maydonida “Real Madrid”ga 1:2 hisobida imkoniyatni boy berdi. Madridliklarning javob goliga Marselo mualliflik qilgan edi.
Muhammad Saloh hamda Marselo Yevropa Chempionlar Ligasida haftaning eng yaxshi o‘yinchisi bo‘lishga nomzod sifatida ko‘rsatilgandi. Ovoz berish jarayoni yakunlanib, haftaning eng yaxshi o‘yinchisi aniqlandi. Unga ko‘ra, Muhammad Saloh 92 % ovoz bilan Yevropa Chempionlar Ligasida haftaning eng yaxshi o‘yinchisi deb topildi. Ikkinchi nomzod Marselo esa 8 % ovoz bilan chegaralandi.
Ma’lumot uchun, yarim finalning javob uchrashuvlari 1—2-may kunlari bo‘lib o‘tadi.
Izoh (0)