O‘zbekiston davlat xavfsizlik xizmati xodimlari “Hizb ut-Tahrir” diniy-ekstremistik harakatining to‘rt faolini qo‘lga oldi. Bu haqda UzNews xabar bermoqda.
Aytilishicha, ushlanganlarning uch nafari 1999–2006-yillar orasida o‘g‘rilik tufayli qamoqda o‘tirgan.
Ozodlikka chiqqach, ular diniy-ekstremistik tashkilot targ‘ibotiga qo‘shilgan. Keyinchalik ular radikal chaqiriqlar aks etgan varaqalar tarqatish hamda internetda ekstremistik materiallar joylashtirayotgani qayd etildi.
To‘plangan materiallar asosida ularga nisbatan JKning 244-moddasi bilan ish ochildi.
Ayni paytda tergov tadbirlari davom etmoqda.
Izoh (0)