O‘zbekiston savdo rastalarida sotilayotgan, tarkibi sun’iy ravishda 50 foizgacha suv bilan boyitilgan parranda go‘shtlari ko‘plab iste’molchilarning e’tirozlariga sabab bo‘lmoqda. Shu munosabat bilan, “Yoshlar” telekanalining “O‘zstandart” agentligiga asoslanib xabar berishicha, agentlik tomonidan yangi standart qabul qilingan.
Bugungi kunda respublikamiz hududida sotilayotgan tovuq go‘shti, baliq mahsulotlari, umuman, muzlatilgan mahsulotlar tarkibida sun’iy ravishda suv qo‘shib, yaxlatish holatlari aniqlanmoqda. Bunday holatlar vijdonsiz ishlab chiqaruvchilar va savdo tashkilotlari tomonidan suvni mahsulot tarkibiga 50 foizgacha singdirish bilan amalga oshirilyapti.Bunga chek qo‘yish, iste’molchilardan tushgan ko‘plab murojaatlarni inobatga olib, shikoyat va e’tirozlarni jam qilgan holda, standart ishlab chiqildi va u 2018-yilning 1-mayidan kuchga kiradi. Bunda go‘sht va parranda go‘shti tarkibidagi sun’iy ravishda qo‘shilgan suvning miqdori 4 foizdan oshgan bo‘lsa, standart talablari buzilgan deb hisoblanadi.
Muzaffar Otayev, “O‘zstandart” agentligi yetakchi mutaxassisi
Izoh (0)