Bugun,

  • USD 11095.31
  • RUB 173.84
  • EUR 10772.44

19-aprel kuni Yoshlar ittifoqining Imkoniyati cheklangan yoshlarni qo‘llab-quvvatlash markazi rahbari Ra’no Shodiyeva hamda Yosh ijodkorlar Kengashi raisi Mehrinoz Abbosova Shovot tumanidagi 1-sonli maktabning o‘quvchilari bilan ijodiy muloqot o‘kazdi. Bu haqda ittifoq rahbari Qahramon Quronboyevning Facebook’dagi sahifasi orqali xabar berildi.

Foto: Facebook / Qahramon Quronboyev

Foto: Facebook / Qahramon Quronboyev

Uchrashuv samimiy suhbatdan boshlandi. Maktab o‘quvchilari o‘zlarining qiziqishlari haqida gapirib berdi. O‘quvchilarning matematika, fizika, ingliz tiliga bo‘lgan qiziqishi mehmonlarni quvontirdi.

Foto: Facebook / Qahramon Quronboyev

Foto: Facebook / Qahramon Quronboyev

— Biz Og‘abekni kashf etdik. 6-sinf o‘quvchisining urush haqida yozgan she’rlaridan shuni angladimki, hayotda maqsadsiz yashashga haqqimiz yo‘q. Mana shu hisni anglab yetganingiz uchun tashakkur, — dedi Mehrinoz Abbosova muloqot davomida.

Foto: Facebook / Qahramon Quronboyev

Foto: Facebook / Qahramon Quronboyev

Maktab o‘quvchilari o‘zlarining yozgan she’rlaridan namunalar o‘qib berdi. Faol ishtirokchilarga mehmonlarning maxsus sovg‘alari taqdim etildi. O‘quvchilarning quvonchi cheksiz.

Foto: Facebook / Qahramon Quronboyev

Foto: Facebook / Qahramon Quronboyev

Shundan so‘ng, Ra’no Shodiyeva Urganch shahridagi 96-sonli maktab-internatiga, Mehrinoz Abbosova esa Yoshlar markazida o‘tkazilishi kutilayotgan ijodiy uchrashuvga yo‘l oldi.

Ijodiy uchrashuvda xorazmlik yosh ijodkor Hulkar Rajabovaning she’rlarini tinglagan M.Abbosova uning ilk she’riy kitobini nashrdan chiqarishga va’da berdi.

Foto: Facebook / Qahramon Quronboyev

Foto: Facebook / Qahramon Quronboyev

— Ko‘zlaringizdagi, she’rlaringizdagi samimiylikni ko‘rib hayratda qoldim. Ayniqsa, kitobga bergan tashbehingiz xotiramda qoladi. Sizning ilk kitobingizni Yosh ijodkorlar kengashi nashr qiladi, — dedi M.Abbosova.

Suhbat davomida Rahmat Bobojon taxallusi ostida ijod qiluvchi o‘quvchining ham hikoyalar va she’rlar to‘plami nashrdan chiqarilishiga kelishildi.

Izoh
Asosiy yangiliklar
Dunyo
Nikol Pashinyan va Ilhom Aliyev 31-may kuni Kishinyovda uchrashadi
Dunyo
O‘g‘lining qabri yonida yotgan ona, Toshkentda buzilayotgan binolar, metroga yashiringan ukrainaliklar — 30-may suratlari 
Mahalliy
Ozodbek Nazarbekov “Koba san’at majmuasi” MCHJning ta’sischisi ekani tasdiqlandi