Kobuldagi terakt oqibatida 48 kishi halok bo‘ldi

Afg‘oniston poytaxtida ro‘y bergan portlash oqibatida 48 kishi halok bo‘ldi. Bu haqda “MetroNews.ru” xabar bermoqda.

Bundan tashqari, 50 kishi yaralandi.

Voqea 22-aprel kuni shaharning g‘arbida yuz berdi. Voqea joyida politsiya va tibbiyot xodimlari ishlamoqda.

Halok bo‘lganlarning 22 nafari erkak, 21 nafari ayol, besh nafari bolalardir.

Afg‘oniston IIV vakili Najib Donishga ko‘ra, portlovchi uskunani xudkush terrorchi harakatga keltirgan. Portlash shaxsni tasdiqlovchi hujjat topshirish markazi yaqinida amalga oshirilgan.

Terakt uchun javobgarlikni IShID o‘z zimmasiga oldi.