Qur’on musobaqasining respublika bosqichi Toshkent shahri va viloyatlarda onlayn tarzda namoyish etiladi

Qur’oni karim musobaqalarining respublika bosqichi 26—27-aprel kunlari o‘tkaziladi. Bu haqda O‘zA xabar berdi.

Musobaqaning erkaklar o‘rtasidagi bellashuvlari 21—22—23 va 24-aprel kunlari, ayollar o‘rtasidagi musobaqalar 25—26-aprel kunlari Toshkent shahri, Talabalar shaharchasidagi O‘zbekiston Yoshlar ittifoqiga qarashli “Yoshlar markazi”da bo‘lib o‘tadi.

Musobaqa jarayonini onlayn namoyish etish uchun quyidagi manzillarda katta hajmdagi monitorlar o‘rnatiladi:

1. Nukus shahridagi “Imom Eshon Muhammad” jome masjidi;
2. Andijon shahridagi “Devonaboy”;
3. Kogon tumanidagi “Bahouddin Naqshband” yodgorlik majmuasi;
4. Zomin tumanidagi “Ma’rifatli”;
5. Navoiy shahridagi “Alisher Navoiy”;
6. Namangan shahridagi «Yoshlar markazi” binosi;
7. Samarqand tumanidagi “Imom A’zam”;
8. Guliston shahridagi “Guliston”;
9. Termiz shahridagi “Murch bobo”;
10. Qarshi shahridagi “Ko‘kgumbaz”;
11. Zangiota tumanidagi “Zangiota”;
12. Farg‘ona shahridagi “Ummul quro”;
13. Urganch shahridagi “Oxund bobo”.

Toshkent shahrida to‘rt joyda tashkil etiladi:

1. Shayxontohur tumanidagi “Shayx Zayniddin”;
2. Yunusobod tumanidagi “Minor”;
3. Olmazor tumanidagi “Hazrati Imom”;
4. Chilonzor tumanidagi “Navro‘z” davlat qabullar uyi.

Onlayn uzatish 9:00 dan 18:00 ga qadar davom etishi belgilangan. Ayni vaqtda musobaqani Musulmonlar idorasining YouTube’dagi sahifasi orqali to‘g‘ridan to‘g‘ri kuzatib borish mumkin.