“Davyergeodezkadastr” qo‘mitasi, yer tuzish va undan oqilona foydalanishni nazorat qilish hamda aholiga interaktiv xizmat ko‘rsatish maqsadida Yer axborot tizimi (YeAT1)ni joriy etmoqda. Bu haqda qo‘mita matbuot xizmati xabar berdi.
Ushbu YeAT1 tizimi orqali xarita tuzish ishlarini inson omilini kamaytirish hamda yuqori aniqlikda ma’lumotlar olish uchun zamonaviy texnologiyalardan, ya’ni masofadan zondlash (remote sensing), Global navigatsion sun’iy yo‘ldoshlar tizimlaridan (GNSS) foydalanib, mavjud ma’lumotlarga solishtirish orqali noqonuniy egallangan maydonlarni aniqlash, navbatchi qishloq xo‘jaligi xaritalarini yuritish, har yillik hosil uchun qishloq xo‘jalik ekinlarini joylashtirish, qishloq xo‘jaligi ekinlari ekilgan maydonlarda monitoringini olib borish, tahlil qilish va prognozlash ishlari va eng asosiysi, davlat kadastrlari yagona tizimini yuritish uchun asosni yaratishni avtomatlashtirishdan iborat.
Jumladan, tizimda nafaqat davlat kadastrlari yagona tizimini yuritish ma’lumotlarini to‘plash, tahlil qilish, balki shu ma’lumotlar asosida aholiga interaktiv xizmatlar taqdim etish ham ko‘zlangan.
Aholiga interaktiv xizmat ko‘rsatish bo‘limi 5 ta moduldan iborat. Ular quyidagilar:
- “Tadbirkorlar uchun”;
- “Sayohat”;
- “Mening yurtim — mening xaritam”;
- “Interaktiv o‘quv xaritalari”;
- “Kelajak xaritasi”.
Bundan tashqari mazkur modulda o‘zini qiziqtirgan bo‘sh yer maydonini olish va elektron auksionda ishtirok etish portaliga chiqish giperhavolasi mavjud. Bu esa tizim ishlashida shaffoflikni ta’minlab, yer uchastkasini olish bilan bog‘liq noqonuniy xatti-harakatlarning oldini oladi.
“Sayohat” moduli, respublikada turizmni rivojlantirish maqsadida barcha diqqatga sazovor joylar, muzeylar va dam olish zonalari va ular atrofiga yaqin mehmonxona, restoran, kafe va boshqa obyektlar to‘g‘risida to‘g‘ri va to‘liq ma’lumotlar olish hamda marshrutni belgilashdan iborat.
“Mening yurtim — mening xaritam” aksiyasida mamlakatning har bir fuqarosi ijtimoiy tarmoqlardagi akkauntlari orqali yoki tizimda ro‘yxatdan o‘tib, o‘zlari bilgan joylar to‘g‘risida ma’lumot kiritishi yoki mavjud ma’lumotlarni tahrirlash imkoniga ega bo‘lishadi. Kiritilgan ma’lumotlar qo‘mita mutaxassislari tomonidan ko‘rib chiqiladi va har oyda “eng ko‘p ma’lumot kiritgan sayt a’zosi”, “eng to‘g‘ri ma’lumot kiritgan sayt a’zosi” nominatsiyalari bo‘yicha ma’lumotlar berib boriladi.
Hozirda mavjud statistik ma’lumotlardan foydalangan holda “interaktiv o‘quv xaritalari” yaratish, maktab o‘quvchisidan tortib to sohada faoliyat olib borayotgan xodim o‘zi uchun kerakli va qiziqarli bo‘lgan ma’lumotlarni tez, aniq va qulay usulda olish imkoniga ega bo‘lishadi.
“Kelajak xaritasi” bu yaqin kelajakda (2019-yil may oylarida) O‘zbekistonning boy tarixi hamda tabiatini to‘laligicha ko‘rsatib beradigan interaktiv uch o‘lchamli animatsion xaritalar yaratish ishlariga mo‘ljallangan.
Loyiha 2018—2020-yillarga mo‘ljallangan bo‘lib, uning dastlabki bosqichi 2019-yil aprel oyida (xalqaro Yer kuni bayramiga bag‘ishlab) ishga tushiriladi.
“Davyergeodezkadastr” qo‘mitasi YeAT1 tizimining aholiga interaktiv xizmat ko‘rsatish bo‘limini test shaklidagi ko‘rinishini joriy yilning 1-iyulidan “xarita.ygk.uz” veb sahifasi orqali taqdim etib boradi. Tizimning mobil ilovasini ham yuqoridagi manzildan topish mumkin.
Izoh (0)