AQShda 13 nafar o‘g‘il farzand bo‘lgan oilada yana bir o‘g‘il dunyoga keldi

Amerikaning Michigan shtatida 13 nafar o‘g‘il farzand bo‘lgan oilada yana bir o‘g‘il dunyoga keldi, deb yozadi “Gazeta.ru”.

Chaqaloq 18-aprel kuni tug‘ildi, unga hali ism tanlashganicha yo‘q.

O‘z an’analariga ko‘ra, Jey va Kateri Shvandt bolaning jinsini oldindan bilishni istamagan. 14 bolaning otasi qiz farzandi bo‘lishini xohlashini aytgan, ammo bundan umid qilmayotganini ham qistirib qo‘ygan.

Katerining aytishicha, o‘zining 13 nafar aka-uka va opa-singillari bo‘lgani uchun, katta oilalarga o‘rgangan.