Toshkent MDH bo‘ylab bahorgi sayohatlar uchun eng yaxshi shaharlar o‘nligiga kirdi

“TurStat” tahlil agentligi MDHning rossiyalik sayyohlar shu bahorda tashrif buyurishi uchun eng yaxshi shaharlari reytingini tuzdi, unda Toshkent 6-o‘rinni egalladi, deb yozadi “Kommersant.uz”.

Reyting 2018-yil bahoriga belgilangan sayyohlik safarlari ommabopligini tahlil qilish natijalariga ko‘ra tuzildi.

MDH mamlakatlari shaharlariga rossiyalik sayyohlar ko‘pincha dam olish kunlari sayohat qiladi.

Toshkentga bahorda o‘rtacha olti kunga kelishib, yashash va yeb-ichish uchun sutkasiga 60 dollar sarflashadi.

MDHga arzon sayohatlar bo‘yicha Kishinyov va Toshkent, “lyuks” sinfidagi hordiqlar uchun esa Boku va Ostona yetakchilik qilmoqda.

2018-yil bahorida rossiyalik sayyohlar orasida eng ommabop bo‘lgan shaharlar o‘nligi quyidagicha:

1. Minsk (Belarus)
2. Ostona (Qozog‘iston)
3. Boku (Ozarbayjon)
4. Yerevan (Armaniston)
5. Olmaota (Qozog‘iston)
6. Toshkent (O‘zbekiston)
7. Kishinyov (Moldova)
8. Bishkek (Qirg‘iziston)
9. Dushanbe (Tojikiston)
10. Ashxobod (Turkmaniston)