Jinoyat ishlari bo‘yicha Xorazm viloyat sudi Azamat Madrimovni diniy ekstremizmni targ‘ib qilgani va Suriyada jang qilayotgan terrorchilik guruhlariga qo‘shilishga uringani uchun 5,5 yilga qamoqqa hukm qildi, deb yozadi Sputnik.
Tergov chog‘ida Gurlan tumanida yashovchi Madrimov 2012—2015-yillarda doimiy ravishda Rossiyaga borib kelgani, u yerda terrorchilik tashkilotlarining maxfiy yacheykalari ta’siriga tushib qolgani aniqlandi. Uyga qaytib kelgan paytida ham u ijtimoiy tarmoqlar orqali ekstremistlar bilan aloqasini saqlab turgan.
Sudda Madrimov 2016-yilda rafiqasi bilan Qozog‘iston va Turkiya orqali Suriyaga ketishni rejalashtirgani isbotlandi. Ammo sudlanuvchining rafiqasi O‘zbekistondan ketishni istamagan va huquq-tartibot organlariga murojaat qilgan, natijada esa Madrimov qo‘lga olingan.
Izoh (0)