Fransiyada Mirage 2000 qiruvchi samolyoti tasodifan zavodga bomba tashladi. Bu haqda “RIA Novosti” xabar berdi.
Hodisa 10-aprel kuni Luara departamentida yuz bergan. Fransiya harbiy-havo kuchlarining ikkita samolyoti Nojan-sur-Vernisson aholi punkti ustidan uchib o‘tayotgan vaqtda, ulardan biri bombasini tushirib yuborgan. Bomba Faurecia kompaniyasiga tegishli zavod ustiga borib tushgan. Oqibatda ikki kishi jarohatlangan.
Fransiya harbiy-havo kuchlari vakilining so‘zlariga ko‘ra, zavodga tushgan bomba mashg‘ulotlar uchun mo‘ljallangan va unda portlovchi modda bo‘lmagan, uni Reyms yaqinidagi poligonga tashlash rejalashtirilgan edi. Holat yuzasidan tekshiruv olib borilmoqda.
Izoh (0)