“Oltin butsa” uchun kurash avjiga chiqdi. Messi Salohga yetib oldi (ro‘yxat)

Ushbu mavsumda “Oltin butsa” sovrini uchun kurash avji pallasiga chiqib bormoqda. La Liganing 31-turida “Barselona” a’zosi Leo Messi 3 ta gol urib xet-trik qayd etdi. Va sovringa da’vogarlar ro‘yxatida yetakchi bo‘lib turgan “Liverpul”ning misrlik hujumchisi Muhammad Saloh bilan tenglashib oldi. Endi Saloh va Messida bir xil o‘z chempionatlarida urilgan 29 tadan gol mavjud. Ammo qayd etish joiz, Saloh jarohat tufayli “Liverpul”ning APLdagi 33-tur doirasida “Everton”ga qarshi bahsini o‘tkazib yubordi.

1. Muhammad Saloh (“Liverpul”) — 29 gol, 58 ochko
2. Lionel Messi (“Barselona”) — 29 gol, 58 ochko
3. Chiro Immobile (“Latsio”) – 27 gol, 54 ochko
4. Robert Levandovski (“Bavariya”) – 26 gol, 52 ochko
5. Jonas (“Benfika”) – 33 gol, 49,5 ochko
6. Edinson Kavani (PSJ) — 24 gol, 48 ochko
7. Harri Keyn (“Tottenhem”) – 24 gol, 48 ochko
8. Mauro Ikardi (“Inter”) – 24 gol, 48 ochko
9. Krishtianu Ronaldu (“Real”) – 23 gol, 46 ochko
10. Luis Suares (“Barselona”) – 22 gol, 44 ochko