LVMH xoldingiga egalik qiluvchi fransiyalik biznesmen Bernar Arno Yevropaning eng badavlat kishisi deya topildi. Bu haqda Bloomberg’ga tayanib, “Gazeta.ru” xabar berdi.
Mavjud ma’lumotlarga ko‘ra, u Inditex kompaniyasining asoschisi hisoblanuvchi, boyligi 70,2 milliard dollarga baholangan ispaniyalik tadbirkorni ortda qoldirgan. Butunjahon milliarderlar indeksida Arno o‘zining 70,7 milliard dollar boyligi bilan to‘rtinchi pog‘onani band etgan.
Ta’kidlashi kerakki, mazkur reytingga hamon amerikalik Jeff Bezos (121 milliard dollar) yetakchilik qilmoqda. Undan keyingi o‘rinlarni Bill Geyts (91,3 milliard dollar) va Uorren Baffet (86,3 milliard dollar) egallagan.