Superliga. “So‘g‘diyona” Bekobodda “Metallurg”ga ham mag‘lub bo‘ldi

Kecha, 5-aprel sanasida O‘zbekiston Superligasi bahslarining 5-turiga start berilgan edi.

“Neftchi” o‘z maydonida AGMKni qabul qilib, yutqazib qo‘ygan bo‘lsa, “Bunyodkor” safarda “Qizilqum”ni mag‘lub etishga erishdi.Bugun esa 5-tur doirasida yana ikkita o‘yin bo‘lib o‘tishi belgilandi. Shulardan biri Buxoroda bo‘lib o‘tdi.Hozirgina “Metallurg” hamda “So‘g‘diyona” o‘rtasidagi kunning ikkinchi uchrashuvi ham o‘z yakuniga yetdi. Bellashuv mezbon “Metallurg” jamoasi foydasiga hal bo‘ldi. 2 ta gol ham ikkinchi bo‘limda kiritildi. Dastlab 55-daqiqada Shahzod Shaymanov hisobni ochgan bo‘lsa, oradan besh daqiqa o‘tib, Islom Isoqjonov hisobni 2:0 bo‘lishini ta’minladi. Bu mag‘lubiyatdan so‘ng “So‘g‘diyona” Superliganing so‘nggi o‘rnida qoladigan bo‘ldi.